عمل مدونة واشتراك جوجل ادسنس

عمل مدونة 
واشتراك جوجل ادسنس

السلام عليكم ورحمة الله وبركاته
انا عارف ان فيه كتير لسة ما اشتركش او مش عارف ازاى يشترك فى جوجل ادسنس
عشان كدة انا قررت اشرح وبالصور من اول ما تعملك موقع لحد ما تشترك فى ادسنس وتحط اكواد الاعلانات
يالا بسم الله نبدأ

ملحوظة : خلى بالك انك لما تعمل مدونة المحتوى بتاعها عربى هيبقى الربح بتاعك من ادسنس قليل لان المعلنين اللى هيحطوا اعلانتهم عندك بسعر قليل فالربح هيبقى قليل فانصحك تعمل بلوج بالانجلش والمحتوى يبقى انجلش عشان يبقى ربحك اعلى
اول حاجة نعمل المدونة من هنا 
https://www.blogger.com/start

  هانلاقى الصفحة دى هاندوس تحت على create your blog
وبعدين نملى البيانات دى

هاندخل على الصفحة دى

وبعدين مبروك ياعم على الموقع اختار بقى الشكل اللى تحبه

اكتبلك بقى كام موضوع كده كويسين - طبعا الكلام عن الفلوس يجيب فلوس ههههه- يعنى هتختار المحتوى اللى بيتكلم عن الربح زى نظام المدونة دى وانت وشطارتك

بعد لما تكتب مواضيعك وجوجل نوافق على اشتراك الادسنس بتاعك ان شاء الله
تدخل على المدونة وتختار layout





هاتروح على صفحة بتوريك الـ design بتاع موقعك
احنا مش عايزين منه غير حاجة واحدة بس add page element

هاتطلعلك صفحة فيها حاجات كتيرة ابقى شوفها انت بعدين وخلينا فموضوعنا
احنا مش عايزين غير html/java ******

بعد لما تدوس هاتطلعلك صفح هاتنسخ فيها الكود بتاع جوجل ادسينس وتسيفه زى ما هنشوف كمان شوية
لو انت بتستخدم الاستايل الجديد من بلوجر يبقى تضيف ايقونة ادسنس واعمل حفظ على كده والاعلان هيظهر لوحده
----------------------------------------------------------

نيجى بقى المرحلة التانية وهى اشتراك جوجل ادسنس
https://www.google.com/adsense هاتروح لصفحة تانى هاتدوس هنا

هاتتدخل على صفحة البيانات دى هاتملاها ببيانات سليمة وما تخافش السرية مضمونة دى جوووجل


خلاص كده تستنى بقى من يومين لاسبوع بالكتيييييييييييييييييييير خالص عقبال ما يشوفو بياناتك والموقع بتاعك وان شاء الله هايوافقوا واول ما يوافقوا هايبعتولك ايميل بكدة وفيه بياناتك وشوية حاجات كده
كده خلاص


ندخل بقى على المرحلة التالتة وهى وضع الاعلانات فى الموقع بتاعك
لما جوجول توافق على الموقع بتاعك هاتروح تسجل الدخول
هاتدخل على صفحة زى دى



بس طبعا رصيدك هايكون 0 دولار وانت وهمتك بقى يا بطل
هانختار من فوق adsense setup
هانروح للصفحة دى

هتختار مرة adsense for content ومرة adsense for search ومرة referrals
وكل مرة هاتروح على صفحة تظبط فيها زى مانتا عايز وهاتلاقى الكود فى اخر الصفحة تنسخو وتحطو فى الموقع بتاعك زى ما قولت من شوية او لو بتستخدم الاستايل الجديد من بلوجر يبقى تضيف ايقونة اعلانات جوجل وخلاص على كده

وخلى بالك كويس من سياسات ادسنس عشان فيه حسابات كتير بتتقفل بسبب الجهل بالقوانين

يعنى متضغطش عالاعلانات بنفسك ولا تخلى حد يدخل يضغط عليها 

ومتخفش لما تعمل محتوى كويس ومدونة محترمة الناس بنفسها هتلاقى مدونتك وهتدخل عندك والضغطات هتزيد